قصه بعنوان ..الظلام
الظلام.. بخاف جدا لما النور يقطع من صغرى وانا عندى حوالى ١٢سنه والوضع ماتغيرش لسه بخاف حتى بعد مابقا عندى ٤١سنه .. ماتستغربوش ،ف البدايه احب اعرفكم بنفسى اسمى ثابت سليم بكالوريوس تجاره.. اعزب ولم يسبق ليا الزواج اطلاقا حتى مافكرتش وده يرجع لاسباب شخصيه منهم انى اصلا حاسس انى مجنوون ،ايوا زى مابقولكم كده بالظبط ..مهو إلى بشوفو مش قليل ولما حكيت واتكلمت لقيت نظره خوف من إلى حواليا ووصفونى انى لازم اتعالج.. من وانا عندى ١٤سنه كنت شاطر جدا ف المدرسه وغالبا كانو كل زمايلى بيغيرو منى الا واحد بس وهو سامى صاحبى كنت حاسس انو اخ ليا مش صاحب وخصوصا انى وحيد ماليش اخوات ولدى وولدتى وبس ودايما صاحبى كان بيكلم أبوه واخواتو وامو عمى كتير .. عرفتكو ع نفسى وع صاحبى .. حكايه الضلمه بقا دى بترعبنى لان ليها معايا قصص مش مفهومه خالص .. ف يوم ٢٦/٢ فى عز الشتا والمطر صحيت ع عمتى عماله تخدنى ف حضنها وتصرخ بكلام مش مفهوم وانا خايف وبعيط جدا وفجاه الكهربا فصلت سكتت عمتى وهى بتعيط براحه وراحت جابت الشمعدان وولعت شمعتين إلى كانو موجودين ف الشمعدان ورجعت شالتنى وخديتنى ونزلت شقتها إلى كانت تحتنا ف الدور الاو...